ازاى تحافظ على حبك !!!!

في حياتنا الايام دي من الصعب ان الواحد يلاقي الحب الصادق و اللي يكون حب حياته بس كمان الاصعب ان الواحد يحافظ علي حبه ازاي و النصايح اللي انا هكتبها هتكون للرجاله و كمان للستات بس انا مش هعرف اكتب الكلام كله في موضوع واحد عشان كده انا هحاول اقسمه وانا المقال ده هبدا بالنصايح للرجاله اه من الرجاله لو يحاولوا بس انهم ينسوا سبت الفاكهة و يركزوا في نوع واحد يا سلام و هبدا وربنا يوفق
اول حاجه انا بطلب من كل واحد انه يعرف انه مش عشان راجل انه من حقه يعرف اكتر من بنت لان حقوقه انه يتجوز اكتر من ست اه يتجوز يعني شرع ربنا و كمان مش هيعدل بينهم يبقي ميتجوزش يعني تبقى في حياته امه و مراته او حبيبته بس مش تعملي الحاج متولي
كمان لازم يسمع لحبيته (مراته ) دايما و ميحاولش انه يخرسها لانه بيحس ان كلامها فارغ او انه مخنوق او انه تعبان او لاي سبب لانها لما بتختار انها تكلمه ده عشان هي فضلته عن كل الناس و قررت انها هتحكيله و فجاة تلاقيه مش معاها اكيد ده بياثر فيها بس فين اللي يحس
الهدايا من اهم الحاجات اللي تملك بيها قلب حبيبتك الهدايا و لازم تعرف ان الهديه اساس اختيارها حاجتين
اولا احنا عارفين ان الهديه من مقام صاحبها يعني هديتك تعبير عنك و عن اللي انت تساويه و سيبك من الكلام اللي بيقول ان الهديه مش بقيمتها لا الكلام ده كلام البخلة
تاني حاجه هي بتحب ايه و ايه اللي بيعجبها بتحب الورد يبقي خلي بيتها جنينة بتحب البحر اشتري لها شاليه في مارينا ( ههههههههههه انا عارف انك هتسبها احسن بس انا بدي مثل ) اللي بتحبه جيبه لها
يعني خلي عندك دم في عيد الحب هديه و عيد ميلادها احلي هديه لاحلي حب و لو الاغلي تقدم لها قلبك مليان بكل الحب ساعتها هتبقي دي هديه طول العمر
من الحاجت المهمة كمان و بيعملها ناس كتيره هي اختبار الحب هو ان الراجل كل فتره يحاول يتصرف تصرفات غبيه و يغلس عالبنت اللي بيحبها لانها لو بتحبه هتستحمله و هو كده يبقي مبسوط لانها بتحبه و مش هتقدر تعيش من غيره بجد حرام عليك هي لو مش بتحبك هتفضل معاك ليه يعني و لا قالت لك اه بحبك لما انت صارحتها بحبك ليه اكبر بقي
المصيبه بقي في الحته اللي جايه دي هي ان الراجل دايما بيعامل البنت علي انها كائن اقل منه مش عارف ليه يا حبيبي لو هي حبيبتك فانت ما تفرق عنها حاجه و للاسف ممكن تكون اذكي منك و امهر منك غير انها طبعا هتكون احلي منك
و لو هي مراتك مش معني انك بتصرف عالبيت يبقي انت احسن لانها لو خرجت تشتغل هتجيب قد اللي بتكسبه عشر مرات وساعتها مش هتحاول تقولك كلمه تجرح مشاعرك لانها بتكسب اكتر منك يبقي خلي عندك دم و اعرف قيمتها لانها ام العيال و شايله الاحمال و كمان هي الحضن اللي بتلاقي في الراحه و السكينة (السكينه الهدوء يعني مش هتقطعك و تعبيك في كياس )
غير علي اللي تحبها الكل ممكن بيتوقع اني هقول بلاش غيره لا بقي لو مغيرتش تبقي مابتحبهاش و كمان ما تستاهلهاش بس بالعقل لانها بتحبك ولو اتقدم لها قلوب مليون راجل مش هتحس الا قلبك عشان كده غير عليها بس في المعقول لانك لو مغرتش متكونش راجل
الامــــــــــــــــــــان من اهم الحاجات اللي بتحتاجها الانثي هو الامان لازم تكون انت سند ليها من غدر الدنيا و لازم تخليها متاكدة من انك سند و حماية ليها يعني بحبك و بكل ما تملك لازم تحتويها
و الحاجات المطلوبه كتير و منها لازم انك تكون
رومانسي بس مش كتير وشيك و لبق و جذاب عشان تذل و تتباهي بيك قدام اصحابها البنات و كريم و الاهم من كل ده راجـــــل وكمان الــــصـــــــدق ليه هتكذب عليها مش هتكذب الا لو كنت جبان و بتخاف منها ووقتها هي هتكون ارجل منك . فهمت ياطربوش

1. 1. 1. ]
    </LI>
  </LI>
</LI>